Meclîsa Civaka Ermenî, di çarçoveya pêngava “Ji Rêber Apo re Azadî, ji Pirsgirêka Kurd re Çareserî”, li Bexçeyê Xwendinê yê Qamişlo semînerek pêkanî.

Di semînerê de rêveberên TEV-DEM, endamên Înîsiyatîfa Azadiya Rêber Abdullah Ocalan ya Sûriye, Kongra Star, Kongra Îslama Demokratîk û saziyên civakî amade bûn.

Piştî rêzgirtinê, endama Rêveberiya Yekîtiya Jinên Êzdî Hediya Şemo axivî û diyar kir ku Rêber Abdullah Ocala, di dilê dilê Êzdiyan de ye.

Piştre, cîgirê Hevserokatiya Kongra Îslama Demokratîk Mazîn Harûnî axivî û got; Rêber Abdullah Ocalan li ser wateyên manewî yên ol û pêxemberan rawestiya ye û dûrketina ji sîfetên xwedayî weke xiyaneta li heman olê dibîne.

Berpirsê Perwerde û Rêxistinkirina Ermenî Hena Somê jî axivî û got; Rêber Abdullah, bingeha jiyana hevreyî ya Ermenî, Kurd û Suryanî-Kildan-Asûriyan ava kir. Cihê Rêber Abdullah Ocalan di fikir û dilê Ermeniyan de mezin e.

Hena Somêê herî dawî got; Tecrîda li dijî Rêber Abdullah Ocalan sûcekî li dijî mirovaniyê ye û divê saziyên navneteweyî li dijî vî sucî bêdeng nemînin.

Serokê Meclisa Êla El-Tey Hesen El-Ferhan El-Ebdulrehman, lêkolînerê Siyasî û Berpirsê Têkiliyên Navenda Lêkolînan a Firatê Welîd Çûlê jî axivî û gotin; Felsefeya netewa demokratîk ji bo gelan teva ye. Divê em vê projeye bi xurtî bikin parîtkê û biparêzin.

Berdevkê Înîsiyatîfa Azadiya Rêber Abdullah Ocalan ya Sûriye Ferzende Munzur jî axivî û spasî pêkhateya Ermenîkir û got; Divê em kampanya navneteweyî ya ji bo azadiya Rêber Apo xurt bikin. Ev dozeke mirovî, siyasî û hiqûqî ye.

Di dawiya semînerê de beşdaran jî fikrê xwe anîne ziman û semîner bi pirs û bersivan bi dawî bû.