‘Têkoşîna ji bo azadiya Rêber Apo wê di sala 47’an de hîn xurt bibe’

Endamê Komîteya Rêveber a PKK’ê Dûran Kalkan, di berdewama nirxandina xwe de got, dewleta Tirk êrîşan dike, komkujiyan dike.

Li Rojava kevir li ser kevir nehiştin.

Eger bi rastî fikrê wan hatiye guhertin, eger dest ji siyaset û mejiyê qirker, mêtinger û faşîst berdan e, eger alîgirê çareseriya pirsgirêka Kurd in, eger mîsyona Rêber Apo dibînin, divê li gorî vê tevbigerin.

Ya ku niha tê kirin rojevên bê bingeh in û dixwazin lîstikan bikin û desthilatdariya xwe dirêj bikin.

Ti eleqeya wan bi rastiyê re nîne. Hemû lîstik in, divê kes bi gotinên wan nexape.

Kalkan diyar kir ku Rêber Apo, hina di darizandina Îmraliyê de got, ‘Me li Tirkiyê têkoşîna demokrasiyê meşand, em nikarin tiştekî din qebûl bikin’.

Rastiya PKK û têkoşîna nîv sedsalî dike ev e.

Demokratîkbûna Tirkiyê ê Rojhilata Navîn û mirovên azad e.

PKK’ê, azadiya Kurdan her tim di demokratîkbûna Tirkiyê û Rojhilata Navîn de dît û têkoşîn kiriye.

Li ser vê bingehê em ê li dora azadiya fîzîkî ya Rêber Apo têkoşînê li her qadê bi plan û rêxistinî bimeşînin.

Duran Kalkan destnîşan kir ku şer dewam dike û got.

Eger çareseriyê dixwazin, divê mercên Rêber Apo baş bikin, azad bikin, gelê Kurd, berxwedana gelê Kurd terorîze nekin.

Eger van nekin, bila zanibin ku em, weke tevger hîn bêhtir amade ne, bi plan in û bi biryar in.

Em sala 47’an a têkoşînê bi rengekî hîn bi biryar û plan pêşwazî dikin.

Em ê têkoşîna sala 47’an ku di bingeha wê de azadiya fîzîkî ya Rêber Apo heye, li her qadê hîn bi xurtî bimeşînin û serketinên mezin bi destbixin.