HEWLÊR – Şandeya HDP’ê û KCD’ê, bi Serokwezîrê Herêma Kurdistana Federe Nêçirvan Barzanî re hevdîtin kir. Hevdîtina şandeyê li çapemeniyê girtî hat lidarxistin. Şandeya ji Hevserokê Giştî yê Partiya Demokratîk a Gelan (HDP) Sezaî Temellî, Hevserokê Kongreya Civaka Demokratîk (KCD) û Parlamenterê Agiriyê Berdan Ozturk, Wekîla Serokê Koma HDP’ê û Parlamentera Mersînê Fatma Kûrtûlan, Alîkarê Hevserokên Giştî Nazmî Gur, Hevberdevka Komîsyona Têkiliyên Derve û Parlamentera Êlihê Feleknas Ûca û Parlamenterê HDP’ê yê Amedê Îmam Taşçier bi Serokwezîrê Herêma Kurdistana Federe Nêçirvan Barzanî re hevdîtin kir. Şande, ji aliyê Serokwezîrê Herêma Kurdistanê Nêçirvan Barzanî, Berpirsiyarê Ofîsa Serokatiya Herêma Kurdistanê Kerîm Sîncarî, Berpirsyarê Têkiliyên Derve ya Hikumeta Herêma Kurdistanê Sefîn Dîzayî, Berpirsyarê Têkiliyên Herêma Kurdistan û Tirkiyeyê Ebdulselam Reşîd û Berpirsiyarê Komîteya Têkiliyan a PDK’ê Elî Hisên ve hat pêşwazîkirin. Hevdîtin ji çapemeniyê re girtî pêk hat. Hat diyar kirin ku şandeya HDP’ê wê îro saet 12:00’an de, bi Serokatiya Parlementoya Başûrê Kurdistanê re hevdîtin bike. Şandeya HDP û KCD’ê duh jî bi Serokê Giştî yê PDK’ê Mesud Barzanî, Hizbî Zehmetkêşanî Kurdistan û nûnertiya KNK’ê re hevdîtin pêk anî bû.