Gerîla bi çalakiyên xwe yên xurt û di warê taktîkan de serkeftî, serkeftin kiriye armanca xwe.
Çalakiyên bênavber ên gerîlayan, çekên ku dewleta Tirk a faşîst gelekî jê bawer e jî heta asteke mezin pûç kiriye. Ligel vî tiştî jî dewleta Tirk dixwaze xwe serkeftî nîşan bide, lê rastiyên li qada şer gelekî cihê ye.
Rastiyên li qada şer ne li gorî nûçeyên deqîqeya dawîn e ya ku medyaya Erdogan her cara ku dor lê teng dibe diweşîne û ne jî dişibe îstatîstîkên ku peywirdarên dewletê ya ku peywira wan xapandina mirovan e, wekî argumana propagandayê bi kar tînin. Di navbera rastî û xeyalan de çiyayên Kurdistanê hene. Ligel ÎHA û SÎHA’yan yên ku ji leşkerên xwe zêdetir baweriyê bi wan tînin, şervanên azadiyê dikevin çeperên dagirkeran, çekên wan desteser dikin û çeperan îmha dikin.
Artêşa Tirk a ku duyemîn artêşa mezin a NATO’yê ye û di destê wê de gelek çek hene, li çiyayên Kurdistanê nikare gerîlayan têk bibe, dema ku nikare têk bibe jî, berê xwe dide kirinên dermirovahiyê. Ji 23’ê Nîsanê û vir ve êrişên dagirker ên ku li Zagros û Metînayê didome, diyar dike ku nikarin gerîlayan têk bibin. Bikaranîna çekên kîmyewî yên ku li her dera dinyayê sûc e, bomberdûmankirina nexweşxaneyan, bomberdûmankirina sivîlên ku eleqeya wan bi şer tune nîşana şova wan a ‘ez li ser xwe me’.
Li Werxelê, Tepe Sor û Metînayê ji destpêka êrişên dagirker ve gelek caran çekên kîmyewî tê bikaranîn. Serokkomarê Tirk Erdogan li van qadan ewqasî gazên jehrî bi kar anî, ‘Elî Kîmyewî’ li ber wî ne tiştek e. Ligel van tiştan jî nikare gerîlayan bide sekinandin. Berdêla vî tiştî heye û gerîla jî vê berdêlê dide, ji ber ku dizane serfirazî û azadiya bê berdêl wê pêk neyê. Li tu derê tu tişt jixweber pêk nayê. Di vê têkoşîna mirovayetiyê de her kes dikare tiştekî bike.
SÛCÊ XWE ZÊDE DIKE
Li hemberî bikaranîna çekên kîmyewî, nerazîbûnên wekî ‘Ev sûcekî şer e. Dadgehên navneteweyî û Neteweyên Yekbûyî divê tişta pêwist bike’ tê kirin. Armanca wan a tişta pêwist jî, kirinên di çarçoveya hiqûqî de ye. Di vî warî de divê ev tişt were diyarkirin, şer jixwe sûcekî mirovayetiyê ye. Di nav wê de dagirkerî, mirin, tecawiz, talan, desteserkirin û qirkirina xwezayê heye. Dema ku rewş wisa be, bikaranîna çekên kîmyewî sûcê wan zêdetir dike. Tişta ku ew ê vî sûcî ji holê rake jî ne hiqûq e, wijdan e, edaleta mirovan û exlaq e.
KURDAN NAXIN NAV HIQÛQÊ
Dema ku mesele tê ser Kurdan, her êrişên dermirovahiyê meşrû tê dîtin. Kurdbûn tê wateya ku li derveyî hiqûqê bimînin, ji ber ku li gorî îdeolojiya fermî Kurdbûn û parastina wê li dijî berjewendiyên dewletê ye. Di dawiya dawîn de armanca hiqûqê jî parastina berjewendiyên hiqûqê ye. Çi Kurdên ku li mala xwe ye (Wekî mînaka li Konya û ya gelek deran) û çi jî şoreşgerên ku ji bo parastina çand, ziman û hebûna welatê xwe şer dikin, her cure kuştina wan heq e. Bikaranîna çekên ku li temamî dinyayê sûc e û li ku derê dibe bila bibe nexweşxaneyê ku divê werin parastin dema tên bomberdûmankirin, nabe pirsgirêk. Dema ku rêxistina ku wekî DAÎŞ’ê li nexweşxaneyê dabû, nerazîbûn hatibû nîşandan lê dewleta Tirk a faşîst bi awayekî eşkere van êrişan dike, çekên kîmyewî bi kar tîne. Dema ku mirov bi tenê li van tiştan temaşe bike û bifikire ku wê hiqûq vî tiştî sererast bike, ev tiştekî naguherîne.
PÎVANA WIJDANÎ Û EXLAQÎ
Bi kurtasî ji bo ku em civak karibin vî tiştî çareser bikin, pîvan ji me re hewce ye. Pîvan jî ne hiqûq e, wijdan e. Tu statuya hiqûqî ya vî şerî tune. Di warê dewlet û mirovayetiyê de jî tune. Divê ev tişt ji hiqûqê re nemîne, hiqûq bi tenê van tiştan meşrû dike. Xema wê ne civak lê hebûna dewletê ye. Rêya mirovbûnê û parastina nirxên civakî, ne di hiqûqê de ye, di wijdan û exlaq de ye. Wijdan hêza herî xurt û afirîner e. Divê mirov hewcedariyên wijdan û exlaq pêk bîne. Yan na ev bêwijdanî û bêexlaqî wê xwe bigihîne hemû kesan. Wijdanê civakî dikare bêedaletî û bêwijdaniya dewleta Tirk a faşîst têk bibe.
Di vî şerî de yê ku dewleta Tirk tê de ye, em ê qala egîd û merdiyê nekin, ji ber ku ev pênase hingî pîroz in li dewleta Tirk nayên. Di vê têkoşînê de ya ku gerîla pêşengiyê jê re dike, gelê Kurd, gelên bindest, jin û alîgirên demokrasiyê dizanin ku ew roj nêz bûne. Encam: Heke gerîla li qada şer be, wê Erdogan her dem şaş bimîne.
