Rewşa tenduristiyê ya Nasir Yagiz giran dibe

Nasir Yagiz 80 roj in li Hewlêrê di greva birçîbûnê ya bêdem û bêdorveger de ye. Hate ragihandin, ku dilê Yagiz êdî bi rêk û pêk lê nade.

Greva birçîbûnê ya Nasir Yagiz li Nûnertiya HDP’ê ya Hewlêrê dewam dike û di roja 80’î de ye.

Hate tespîtkirin ku rîtma lêdana dil a Yagiz neçê bûye. Doktorên ku tenduristiya Yagiz kontrol dikin dibêjin, divê rewşa wî timî di bin kontrolê de be.

Rewşa tenduristiyê ya Nasir Yagiz roja 1’ê Sibatê giran bûbû û ew rakiribûn nexweşxaneyê. Lê belê Yagiz tedawî qebûl nekir û çalakiya xwe dewam kir.

Yagiz piştî kontrola dawî daxuyaniyek da û got, “Encam çi dibe bila bibe ez bi biryar im ku çalakiya xwe bidomînim. Em ê çalakiya xwe bi ser bixînin û tecrîdê bi dawî bikin.”