Li eniya Hecînê ku careke din toz rabû, çeteyên DAIŞ`ê êrîşî noqteyên şervanên QSD`ê kirin. Li herêmê şer dijwar e.
Çavkaniyên leşkerî ji qada şer ragihand ku çeteyên DAIŞ`ê ji bahoza tozê sûd wergirtin û êrîşî noqteyên şervanên Hêzên Sûriyeya Demokratîk QSD`ê yên li eniya Hecînê kirin. Şervanên QSD`ê yekser bersiv dan û li herêmê şerekî giran dewam dike.
Ev du roj in, li bejahiya Dêrazorê bahoza tozê rabûye. Çeteyan ev yek ji xwe re kirin fersend û êrîşî noqteyên şervanên QSD`ê dikin. Duh jî, şervanên QSD`ê mezintirîn êrîşa çeteyan li eniya Hecînê şikandin û gelek çete hatin kuştin, her wiha erebe û tangên çeteyan hatin rûxandin.
